當人向別人打招時的問候語 -- 也代表了自己最關注的一項事物.
上一代的中國人: "食飯未?" (他們很多都經過戰亂/試過食唔飽!)
外國人 :"How are you?" (問下你的近況; 順便請你回問他,便可以發表下佢自己!)
香港人 : 我小時候常聽見"最近喺處發財?"
最近在村中走動, 各街坊互相打招呼的第一句（大家可能並不是認識的！）, 不是"食飯未?" ;
早一陣："揀咗房未？"
幾日前: "收到鎖匙未?"
今期最紅 : "裝修未?",再跟著就問"你揾邊度的師父做呀? "(房處承建商/自己外邊找?)
我相信再過一星期, 大家便會問: "幾時搬屋了！"
是次為第一期大型遷移;只要居上半山以上都要搬. 大家住在蘇屋很久(我家差不多28年; 有些人開村1960年便入住, 近半個世紀!)難免有點又驚(搬屋的煩瑣事!)又喜(新型屋兼交通方便)!大家不約而同互相詢問及互相提點!十分和睦!
希望到了新居仍可keep住這種友愛鄰舍的氣氛便好!
p.s. 羅太在村中人面很廣;和她一起去街, 一定要預留時間及體能, 停在路上和一眾街坊搭訕!或一邊行上/下山一邊"吹水".
