可以嗎?

曾經見識過一些人 : 對人的要求多多多, 度人的標準高高高; 郤不會逆地而處, 以別人的角度看看事情和處景. 當別人有同樣的要求或標準時, 他們便指示別人太過苛刻!! 要別人對他包容, 忍耐和寬恕!! 還要振振有詞!!

聖經有句 : 無論何事你要人怎樣待你, 你也要作怎樣待人.

請引以為誡.

故事一則

有日4人閒談:

V : J你最近有無煲 D 咩好嘢食吓呀?
J : 我家人呢排鍾意煲 "石博" + 花旗參?
L + P : 吓, 石壆呀 ?! 唔係呀?
J : 係呀!
L : 會唔係石斛(*見後備註)呀?
J : AR.......係霍山石博 !?!
L : 係, 霍山石斛呀!!
V : 石斛有咩用?
L : 護肝明目.
P : 咁.....石壆有咩用?
L : 間開條路, 塞住D嘢....
P : 咁, 點舖 (特別講到好似煲的讀法) 石壆好呀?
L : 加一排梯級, 扶手一對.......
P (搶答) : 要加防滑鋼沙
L (不識死地繼續答) : 仲要有D雪糕桶, 及開住紅綠燈....
L忍唔住和 P, V一起大笑, 一邊的J正打算打人......................

本故事為真人真事, 由lolo冒死記載.



備註:

石斛的藥用功效 (抄錄 : http://www.orchid.org.hk/member-2.htm)

石斛，味甘，性微寒。功效包括：
1. 益胃滋陰
代表藥方：甘露飲* (石斛三錢、生地五錢、熟地五錢、天冬三錢、麥冬三錢、茵陳四錢、黃芩三錢、枳殼三錢、炙甘草二錢)。

此方能清熱利濕，滋陰生津，主治陰虛夾濕證，在臨床上可用作：
A. 除口臭 (胃病、牙周病、抽煙、熬夜、口瘡)
B. 降血脂 (三酸甘油脂、膽固醇)
C. 化療後副作 (口腔乾燥、口腔潰瘍)
*陽虛體質者不宜服用此方。

2. 清熱明目
代表藥方：夜光石斛丸* (石斛三錢、人参三錢、山藥五錢、茯苓五錢、炙甘草二錢、肉苁蓉四錢、枸杞子三錢、菟丝子三錢、生地黄五錢、熟地黄五錢。)
此方能健脾補腎，養肝明明，主治肝腎不足之白內障、目澀不明、夜視不清等。


石斛食療推介

A. 磨粉沖服
可滋陰潤喉，能改善聲帶疲勞，有助恢復嗓音。

B. 湯水
組成：石斛(小環釵)三錢、生苡仁五錢、麥冬三錢、茯苓五錢、白朮三錢，加入排骨、瘦肉及薯仔或青紅蘿蔔煮湯，可供四至五人飲用。
功效：滋陰生津，健脾利濕，適合睡眠不足，神疲乏力，身重困倦的人士。