02/04 - 22:??
在亞光的店子裏集合, 正式知道更多這次行程/行動(^^!)的詳情:
- 本團出發人數是我們 -- 仨;
- 由首爾轉機去巴黎的候機時間比我在internet查到的, 要多近5小時! 亞光打算到時出市區食人蔘雞, 不過我和Carrie都不大感興趣!
- 先在巴黎住2晚, 再到比利時的安特惠普住1晚, 再去法蘭克福轉租第2架車去瑞士接到Ringo. 當日安排我和Carrie半夜到Milano住1或2天(當時仍未BOOK酒店，到埗後見機行事!), 等他們看完show回來，接我們去Rome, 應該09/04啟程回港.
- 回程機票日期是攪錯咗, 正確應是10/04便會回到香港.
- 不過我和Carrie都唔想咁早返香港, 我們想要在Rome留到12/04 !
00:25
乘KE0608 HKG -> ICN. 太夜了, 我預備不食這程的飛機餐, 但被其他乘客撈嘢食的聲音及香味弄醒, 下趟派餐一定要食這種撈飯.
04:??
到了首爾機場, 大家計算過又要換韓環, 又要頻頻撲撲, 不如在候機室瞓餐飽好過! 在這裏每人分得一張3座位SOFA, 都可以瞓得幾舒適!
13:35
大家瞓醒行咗成粒鐘後, 我和Carrie各食咗支W3,500的雪條後, 便乘KE0901 ICN-> CDG.
在派餐時, 我點了這款韓式撈飯.它包括: 肉碎,冬菇絲,青菜,蘿蔔,芽菜,不知名的香味草, 再加白飯(圓轆轆米), 麻油及擠入大量(最精彩)辣椒膏, 跟住不停撈撈撈, 便可以食啦! 雖然好多草 (健康呀!) , 但都幾好味! 還有一杯好咸的海帶湯.
看了部份 "無極" , 風境及服飾都很美, 但劇情好無聊 (只有英語及韓語! 我估估吓咋!), 邊看邊瞓! 機程感覺好似好長, 空氣很乾, 我不停地飲水, 仍覺很口乾!
18:25
終於到了巴黎-戴高樂機場. 由飛機到閘口乘坐的巴士是會升到機門, 再降到地上行駛; 到閘門時又會再升到門口, 我們便不用上落飛機梯.
未入閘口便遇到持有中國護照人士護照有問題! 我們持中國特區護照當然都要慢慢驗查! 過入境海關時又要對資料, 真煩!
幸好, 取行李時效率好快, 跟住亞光去AVIS 取租車仔 (車的資料見 :奇妙 (驚喜) 之旅 -- 羅馬假期 1).
在亞光尋回記憶後, 我們便找到往鄧先生家的路徑. 在那裏吃過簡單的晚餐後, 便按亞光的意思去夜遊巴黎.
想不到23:00的巴黎鐵塔還有遊人在上邊 (最後的登塔電梯剛上去接人回地面), 周圍還有很多人在做生意, 似乎法國人好等錢駛, 咁夜仲要做工 !!
終於, 回到酒店, 完成一天的行程.
請再看 : 奇妙 (驚喜) 之旅 -- 羅馬假期 4
沒有留言:
發佈留言